පොතක් පතක් කියවන්න ලැබෙන්නෙ නැති දූල පුතාල වෙනුවෙන්ම අපි යනව උඩගම ගමේ පුස්තකාලයක් හදන්න. මාතලෙ දිස්ත්‍රික්කයේ කෙළවරකට වෙන්න තියන මේ ගමේ ළමයි 400කට වඩා ඉන්නව ඉස්කෝලෙ යන. ඒ වගේම කියවන්න උනන්දුව තියන වැඩිහිටි අයත් බොහොමයි. ඉතින් අපි ගියපු වෙලාවෙ එයාල කරපු ඉල්ලීම තමයි හරිහමන් විදියකට පොතක් කියවගන්න වගේම ඒ පොත් තියල තියන්න තැනක් හදල දෙන්න කියල. ඒ වෙනුවෙන් අපි හිතාගෙන ඉන්නව ඒ දරුවොන්ට දිරියක් වෙන්න අලුතින් පුස්තකාල ගොඩනැගිල්ලක් හදල පොත් පත් ටිකකුත් එකතු කරල දෙන්න.
මේ සඳහා විශාල වියදමක් යනව උනත් ශ්‍රමයෙන් දායකත්වයක් දෙන්න ගමේ හැමෝම ලෑස්තියි. ඒ නිසාම අපිට මේ වැඩේ තවත් පහසු වෙනව. ඉතින් මුදලින් රුපියල් ලක්ෂ 10ක් වගේ වියදමක් යයි කියලයි අපි ඇස්තමේන්තු කරල තියෙන්නෙ. ඒ බඩු මුට්ටු ටික ගන්න. ඉතින් ඒකට අපිට ඔයාලගෙ උපකාර ඕනෙමයි. අපි ඔක්කොම එකතු වෙලා මේ සත්කාරය නිමා කරමු. ඒ දරුවන්ට පොතක් කියවන්න පහසුකමක් ලබල දෙමු.